Blog: http://enzocumpostu.ilcannocchiale.it

Nuorese, Sardo, Italiano: lettera agli elettori sardi residenti a Nuoro che preferiscono "de faeddare sa limba"

 

Mostra immagine a dimensione intera (clicca sulla foto)
 
Custa est sa fotografia de Pradu, accurzu a Nùgoro, inuve metas annos fachet bi vit una prugherera de s'Esercitu chi como este unu rudere; Mussolini, pacos annos prima de sa secunna gherra mondiale n'at fattu facher metas in Sardigna, pruitte sa nostra isola iti cunsiderata sa "portaerei de su Mediterraneo" e pro comente fit fatta annaiat bene a facher de ponte chi'n su fronte de s'Africa Orientale e Settentrionale. Tottus custas prughereras (in Palau, Terranova oie cramata Olbia, Othieri, Tatari, Macumere, Abbasanta, Telti, Nugoro, Siliqua, Munserratu e Casteddu) picaian sos ordines dae sa Diretzione Artiglieria de Nùgoro, inita de fraicare in su millenovichentostrintachimbe. Prima de s'otto de Capitanni de su barantatrese, in cussa chi oie este Viale Sardegna, travagliaiana prus de ottichentos pessones, sio contamus solu cussos operaios, impiegatos e guardias giuratas militarizzatas e in prusu tottus sos sordatos, sottufitziales e uffitziales de cumplementu e de carriera mannatos a travagliare in su coro de sa Sardigna, canno in custos tempos e finzas a sos annos Ottanta s'Artiglieria itti cussiderata su puntu nevralgicu de tottu sa logistica e sas riparatziones de sas armas de s'Esercitu, cumpresos sos Carabineris.
 
Tantu tempus este colatu dae tanno, grassas a Deus sas gherras sunu initasa in Italia nois connoschimus sa pache e sa libertate nessi dae sessantachimb' annos e bia ma a su die de oje nois dipimus dimannare a sa nostra cussentzia si este importante o nono chi in Nùgoro torrene sos militares, achenne atzione politica pro ispinghere su Guvernu, sa Regione, sas autoritates locales e sa popolatzione de su cirocndariu a picare cussentzia de sa necessaitate de achere atziones pro acuitare a fraicare custa caserma nova in Pradu, ch'in in italianu cramamus "Prato Sardo", pro non lu cufunndere ch'in Prato in Toscana.
 
Cambian sos tempos, cambiana sas esigentzias de sa Difesa de su populu italianu; italianu e sardu, pruite nois semus sos Italianos pro eccellentzia, cussos omines e feminas ch'in in su passatu ana istu parentes, frates, babbos, manneddos, tzios, ghermanos e cumpanzos mortoso in Caporetto, in su Piave, in Asiago, in tottus cussos locos uve sos Sardos si sun fattos onore e uve an apitu sa riconnoschentzia de sa zente de cussos locos. Manneddu meu, su babbu de mama iti caporal maggiore in sa Gherra de su binnichi-decheotto epoi in sa sicunna sergente de sa Militzia Contraerea in Baronia a Orosei.
 
Ma como, in su duamizzaedeche, est sa comunitate internatzionale chi cheret chi soso sordatos italianos de sa NATO e de s'ONU annen in cussos locos de gherra e de disperatzione uve sos prinzipales dirittos de s'umanitate enin a mancu: pessate a s'Afghanistan como e a su chi an fattu sos sardos in Iraq, in Albania, in su Kosovo...
 
Inoche, in Sardigna, amus sa gloriosa Brigata de Fanteria Meccanizzata "Sassari", s'unica Grande Unitate de s'Esercitu Italianu chi at unu Inniu in atera limba diversa dae s'italianu, chi ata tres reggimentos: unu in Casteddu, su chentuchimbantaeunu, unu este in Macumere, su 5° Reggimento Genio Guastatori, e s'urtimu in Tatari, su chentuchimbantaduos in sa caserma Gonzaga. Portatores de pache, de sicurezza, travagliatores chin sas istellettas in sa janchetta chi ana isseperatu custu travagliu non solu pro su inari ma finzas pro ideale artu, ispiritu de sacrifitziu, ischinne fintzas dae sa prima die itte potiat suzzedere si s'ini arruolatos.
 
Sa citate de Nùgoro depet picare in consideratzione chi sos militares non sunu servos de unu Istatu colonizzatore ma sunu parte de su sistema de su travagliu, de s'economia, de sa tutela de s'ambiente, de sas iddas e de sa zente sarda canno bat necessitate; sa zente ischit custas cosas ca no est tonta ma non picat decisiones pro isolare sas pessonas chi non cheren chi in sas nostrs biddas e in sas nostras zittades bi sian sos cittadinos istitos in grigioverde.
 
Ieo so chimb'annos chi so gherranne in custu locu pro sensibilitzare sa zente de custa cosa; in custu mamentu, chi so candidatu pro su Comune de Nùgoro comente consigliere comunale in sa lista del  Popolo della Libertà - Berlusconi Per Nuoro appo a gherrar finzas de prusu pruitte pesso chi custa cosa servit a cuminzare de acher su Sistema Economico Locale attu de tantas ateras cosas uve sa presentzia de sos militares e tottus sas attivitates de s'indotto chi bi sun a intunnu poten aiuare sa zitade a crescher rigogliosa e a frorire e non a si siccare...
 
Mi iscuso chi'n bois si appo attu metas errores iscrienne in Sardu pruitte jeo lu cumprenno bene ma a l'iscriere est un atera cosa.
 
Vivat su Populu de sa Sardigna, vivat sa DESTRA ITALIANA e vivat s'Italia e tottus sos corazzoso cittasdinos chi su trinta e trintunu de
Maju chi enit annan a votare in Nùgoro pro su consiglio comunale sintzanne su simbolu de su PdL e iscrienne ENZO CUMPOSTU
 
Pro s'Italia, Pro Nùgoro, su sociale, su volontariatu d'emergentzia, s'ambiente e metas ateras cosas importantes.
 
Pro como este tottu, da nons amus a intenner in custas dies pro aeddare de ateras cosas, de ateros problemas de sa zente nugoresa .

Cramatemi intro de sa pagina de Facebook ca fintzas si sezzis de ideas contrarias a sas meas bos appo a cunbinchere de mi dare sa vostra preferentzia, amie e a sos ateors candidatos 

In bon'ora a chie mi leghet!   

Pubblicato il 29/4/2010 alle 18.1 nella rubrica Politica regionale.

Il Cannocchiale, il mondo visto dal web